ચતુષ્કોણ | chatuskon

1. ચતુષ્કોણના ખૂણાઓનો સરવાળો 360 ° થાય છે.

2. સમાંતરબાજુ ચતુષ્કોણ (સ.બા.ચ.કો.)નાં વિકર્ણ તેને બે એકરૂપ ત્રિકોણમાં વિભાજિત કરે છે . 

૩. સમાંતરબાજુ ચતુષ્કોણમાં , 

( i ) સામસામેની બાજુઓ સમાન હોય છે . 

( ii ) સામસામેના ખૂણાઓ સમાન છે . 

( iii ) વિકર્ણ એકબીજાને દુભાગે છે . 

4. જો ચતુષ્કોણમાં 

( i ) સામસામેની બાજુઓ સમાન હોય અથવા 

( ii ) સામસામેના ખૂણાઓ સમાન હોય અથવા 

( iii ) વિકર્ણો એકબીજાને દુભાગે અથવા 

( iv ) સામસામેની બાજુઓની કોઈપણ એક જોડની બાજુઓ સમાન અને સમાંતર હોય , 

તો તે ચતુષ્કોણ સમાંતરબાજુ ચતુષ્કોણ છે . 

5. લંબચોરસના વિકર્ણો પરસ્પર દુભાગે(બે સરખા ભાગ) છે અને સમાન છે અને તેનું પ્રતીપ પણ સત્ય છે . 

6. સમબાજુ ચતુષ્કોણના વિકર્ણો પરસ્પર કાટખૂણે દુભાળે છે અને તેનું પ્રતીપ પણ સત્ય છે . 

7. ચોરસના વિકર્ણો પરસ્પર કાટખૂણો દુભાગે છે અને સમાન છે અને તેનું પ્રતીપ પણ સત્ય છે . 

8. ત્રિકોણની કોઈ પણ બે બાજુઓનાં મધ્યબિંદુઓને જોડતો રેખાખંડ એ ત્રીજી બાજુને સમાંતર છે અને તેનાથી અડધો છે . 

9. ત્રિકોણની એક બાજુના મધ્યબિંદુમાંથી પસાર થતી અને બીજી બાજુને સમાંતર રેખા ત્રીજી બાજુને દુભાળે છે . 

10. ચતુષ્કોણની બાજુઓનાં મધ્યબિંદુઓને ક્રમમાં જોડવાથી બનતો ચતુષ્કોણ સમાંતરબાજુ ચતુષ્કોણ (સ.બા.ચ.કો.) છે .