Tips for student exam preparation

 Tips For Exam preparation

      વિદ્યાર્થી મિત્રો, હવે પરીક્ષા નજીક આવી ગઈ છે ત્યારે તમને તમારા વાલીને અને તમારા શિક્ષકોને તમારી ચિંતા થાય તે સ્વાભાવિક છે. જેમ જેમ પરીક્ષા નજીક આવતી જશે તેમ ચિંતા વધે તે પણ સહજ છે. તો આવી પરિસ્થિતિમાં શુ કરી શકાય તેનાં વિશે થોડી વાત કરીએ.

સૌ પ્રથમ તો "ચિંતા કરશો નહીં"

 

(1)સકારાત્મક દૃષ્ટિકોણ જાળવો

        ખૂબ જ મહત્વનું, તમારે જીવન પ્રત્યે સકારાત્મક અભિગમ રાખવાની જરૂર છે. પરીક્ષા પાસ કરવી અથવા નિષ્ફળ થવું એ તમારા જીવનનો એક પડાવ છે તમારે એ વિચાર પર ધ્યાન કેન્દ્રિત કરવાનું શીખવું જોઈએ કે  પરીક્ષાઓ માટે તમારી તૈયારીનો સમય ફક્ત એક પસાર થવાનો તબક્કો છે. જ્યારે તમે આવા સકારાત્મક વિચારો દ્વારા તમારી પરીક્ષામાં જોડવાનું શરૂ કરો છો, ત્યારે તમે પરીક્ષાઓ માટે જરૂરી ધ્યાન આપી શકશો. આ રીતે, તમે તમારી શારીરિક, માનસિક અને ભાવનાત્મક શક્તિને બહાર લાવી કોઈપણ નકારાત્મક વિચારો વિના પરીક્ષાની તૈયારી સમયે પસાર થશો .

(2) પરિસ્થિતિનો સ્વીકાર કરો.

          તમે એ હકીકતને સ્વીકારી લો કે પરીક્ષાઓને કારણે દરેક પર થોડુ ઘણું દબાણ તો રહેતું જ હોય છે એટલાં માટે વાંચતી વખતે થોડો વિરામ લો, તે તમારા માટે સારું છે અને તમારાથી મોટા વ્યક્તિ સાથે વાતચીત કરો. તમારી ચિંતાઓ પર વાત કરવાથી તમને સરળતા જ નહીં પરંતુ વસ્તુઓને યોગ્ય રીતે સમજવામાં મદદ મળશે.

(3) સરખામણી ક્યારે પણ કરવી નહીં.(બિલકુલ- "ના")

           જ્યારે મોટા ભાગના વિદ્યાર્થીઓ તાણનો અનુભવ કરે છે ત્યારે તેઓ કેટલું વાંચ્યું, કેટલી તૈયારી કરી, પૂર્ણ થયેલા પ્રકરણોની સંખ્યા સાથે પોતાને અન્ય વિદ્યાર્થી સાથે તુલના કરવાનું શરૂ કરે છે. પરંતું દરેક વિદ્યાર્થીની પાસે અભ્યાસની કરવાની તેની પોતાની શૈલી છે , તેથી તમારે તમારી  અભ્યાસની પદ્ધતિને અનુસરવી જોઈએ જે તમારા માટે શ્રેષ્ઠ  છે. તમે થોડા સમય માટે વ્યવસ્થિત અભ્યાસ સમયપત્રક બનાવીને તૈયારી શરૂ કરો જે તમને ખૂબ કામ આવી શકે છે.

(4) સ્વયંને ઈનામ આપો

        જ્યારે તમે કોઈ ચોક્કસ સમયગાળાની અંદર કોઈ પ્રકરણને તૈયાર કરવાનું પોતાનું લક્ષ્ય હાંસલ કરવા માટે પ્રયત્નશીલ છો, ત્યારે તમારે પોતાના માટે ઈનામ નક્કી કરવું જોઈએ. જે તમારી અંદર રહેલ શ્રેષ્ઠતાને બહાર લાવશે.આવા નાના નાના ટાસ્ક તમને તૈયારી માટે પ્રેરણા આપશે.

(5) ધ્યાન કરો.

           ધ્યાન દ્વારા તમારા ધબકારા શ્વાસ પર ધ્યાન કેન્દ્રિત કરો. તણાવપૂર્ણ સમયમાં જ્યારે તમારા શ્વાસનાં દરમાં વધારો થાય અથવા તમારા ધબકારા વધી જાય એ આવનારી પરીક્ષાઓના કારણે અથવા કોઈ પરીક્ષા દરમિયાન ગભરાહટ ની અસર  છે. આવા સમય દરમિયાન તમારે તમારા  શ્વાસ પર  ધ્યાન કેન્દ્રિત કરવાની જરૂર છે. એક સરળ ઉપાય એ છે કે જે તમને પરીક્ષા હોલમાં તમારા ગભરાટને દૂર કરવામાં મદદ કરી શકે છે તે છે, કે થોડીવાર માટે બેસો અને તમારા શ્વાસ પર ધ્યાન કેન્દ્રિત કરો. આ તમને ક્ષણભરમાં પરીક્ષાના તણાવ સાથે લડવામાં મદદ કરી શકે છે.

(6) સોશિયલ મીડિયા માટેનો સમય મર્યાદિત કરો

Say No To Social Media

      આપણાં બધાની જીવનશૈલી  સોશિયલ મીડિયા  આસપાસ ફરે છે તે તમને બિનજરૂરી માહિતીનો મારો કરે છે જે તમારી મન શક્તિને છીનવી દે છે. પછી તે ઇન્સ્ટાગ્રામ, ફેસબુક અથવા વોટ્સએપ હોય. આ બધી સોશિયલ મીડિયા નેટવર્કિંગ એપ્લિકેશનો તમારા કિંમતી સમય અને શક્તિને ઓછી કરે છે તેમાં કોઈ શંકા નથી. પરંતું પરીક્ષાના સમય દરમ્યાન તમારા નજીકના અને પ્રિય લોકો સાથે સંપર્કમાં રહેવાનું ટાળવું તે પણ યોગ્ય નથી. પરંતુ ત્યાં એક રસ્તો છે કે દિવસ દરમિયાન એક સમય ફાળવી શકો છો. વધું પડતો સમય આ એપ્લિકેશન ને આપવાથી તમારા સમય અને તમારી ઉર્જા નો વ્યય થાય છે.

(7) યોગ્ય આહાર

        પરીક્ષાની તૈયારી કરતા મોટાભાગના વિદ્યાર્થીઓ આહાર ને મહત્વ આપતાં નથી. એક અનિયમિત આહાર તમારી સુખાકારીને ઘણું નુકસાન પહોંચાડે છે, ખાસ કરીને જ્યારે તમારે તમારા અભ્યાસ પર ધ્યાન કેન્દ્રિત કરવાની જરૂર હોય. પરીક્ષા સમયે તમારે ખોરાક લેવો જોઈએ તમારા શરીરને ખવડાવવાથી મગજને જરૂરી ઉર્જા અને પોષણ મળે છે, જે તમને તમારી પરીક્ષાઓ પાસ કરવામાં મદદરૂપ બને છે.  પરીક્ષાના સમય દરમિયાન તાજા ફળો અને શાકાહારી ખોરાક ની  વધુ ભલામણ કરવામાં આવે છે.

(8) પૂરતી ઉંઘ લેવી

        જ્યારે ખોરાક શરીરમાં બળતણ છે, ઉંઘ મગજને શક્તિથી ફરીથી ભરી દે છે. પરીક્ષાની તૈયારીનું સમયપત્રક બનાવતી વખતે, તમારે ધ્યાન રાખવું જોઈએ કે ઓછામાં ઓછી 6 થી 8 કલાકની ઉંઘ પુરી કરાવી જોઈએ. જે તમને પુરો દિવસ ફ્રેશ અનુભવ કરાવશે.

(9) હાઇડ્રેટેડ રહો

        પરીક્ષાના તાણને હરાવવા હર્બલ ટી, પ્રવાહી અને પાણીની ખૂબ ભલામણ કરવામાં આવે છે. જો કે, સુગરયુક્ત અને કેફીનવાળા પીણાંથી બચવું જોઈએ. યોગ્ય રીતે તમારા શરીરને હાઇડ્રેટ કરવાથી તમે આત્મવિશ્વાસ સાથે પરીક્ષાની તૈયારી માટે જરૂરી મહત્તમ ઉર્જા સ્તર જાળવી શકો છો.

(10) રીવાઇન્ડ અને રિપ્લે કરશો નહીં

          ભૂતકાળ ભૂતકાળમાં છે, તમે જે વિષયની પરીક્ષા આપી હોય તેની પરીક્ષાની ચેક કરવાનું ટાળવું જોઈએ અને આગળની પરીક્ષા પર ધ્યાન કેન્દ્રિત કરવું જોઈએ. જે  વિષયની પરીક્ષા પુરી થઈ છે તેની ચકાસણી કરશો તો આગલા પેપર પર પણ તેણી અસર થશે અને આત્મવિશ્વાસ ઘટી શકે છે. માટે જે થયુ એ થઈ ગયુ હવે આગલા પેપરની તૈયારી કરો.

(11) ડિજિટલ શિક્ષણ

          તમે કોઈ પણ વિષયના મૂંઝવતા પ્રશ્નોનો હલ આજ નાં સમયમાં ડિજિટલ માધ્યમથી મેળવી શકો છો. ઈન્ટરનેટનાં માધ્યમ થી કોઈ પણ પ્રશ્નનો ઉકેલ મેળવી શકો છો. પરનું આગળ વાત થઈ એ મુજબ મોબાઇલ અને કોમ્પ્યુટર નો યોગ્ય ઉપયોગ જરુરી છે.

(12) સંગીત સાંભળવું

        સંગીત સાંભળવું એ ફક્ત તમારા મૂડને માત્ર સુધારશે નહીં, પરંતુ તમારા અભ્યાસ પર વધુ ધ્યાન કેન્દ્રિત કરવામાં પણ મદદ કરશે. તમને લાંબા કલાકો સુધી અભ્યાસ કરવા પ્રોત્સાહિત કરતું, સંગીત પરીક્ષાના તાણને હરાવવા માટે શાંત સાધનનું કાર્ય કરે છે. 

(13) રીવિઝન કરવું

         પરીક્ષાના છેલ્લા દિવસોમાં તમે જે તૈયારી કરી છે તેનાં પર વિશ્વાસ રાખો અને રીવિઝન કરો. ફરીથી સંપુર્ણ કોર્ષ તૈયાર કરવાનો પ્રયત્ન કરાવો નથી પરંતું જે તૈયારી કરી છે તેનુ રીવીઝન કરવું. પેપર સોલ્યુશન કરવું જેનાં લીધે પરીક્ષા તમારો આત્મવિશ્વાસ વધશે.

છેલ્લે મહત્વનું

Self Confidence 

        વિદ્યાર્થીઓ અને વાલીઓએ એ જાણવું જરુરી તમે કરેલી તૈયારી પર વિશ્વાસ રાખો અને આગળ વધો. કરેલી મહેનત ક્યારેય પણ નકામી જતી નથી.

Best of luck