ભૂકંપ વિશે જાણવા જેવું? શું કરવું અને શું નાં કરવું તેની સંપુર્ણ માહીતી

ભૂકંપ

ભૂકંપનો સામાન્ય અર્થ પૃથ્વી સપાટીનું કંપવું કહે છે . 

બહુધા પૃથ્વીના પેટાળમાં થતી ભૂગર્ભિક ક્રિયાઓને પરિણામે ભૂકંપો અનુભવાય છે . 

પૃથ્વીની સપાટીના નબળા ભૂપૃષ્ઠ ધરાવતા પ્રદેશો ભૂકંપના મુખ્ય પ્રદેશો ગણાય છે . 

ભૂકંપની સંભાવનાવાળા પ્રદેશો કે વિસ્તારો તારવી શકાય છે , પણ તેની ચોક્કસ આગાહી કરી શકાતી નથી . 

આમ , ભૂકંપ આગાહીના અભાવમાં ખૂબ મોટી જાન - માલની ખુવારી કરે છે . 

ભૂકંપ વખતે શું કરવું ?

● ભૂકંપ દરમિયાન મોટી પાટલી કે ટેબલ નીચે રહેવું . 

• જો શાળામાં હોવ તો પાટલીઓ નીચે બેસી જાવ . 

• જો બહાર ખુલ્લામાં હોવ તો મકાનો , વરંડા , વીજળીની લાઇનો કે વીજળીના થાંભલાથી દૂર રહેવું . 

• જો વાહન હંકારતા હોવ તો પુલની ઉપર કે નીચે , લાઇટના થાંભલા કે વીજળીની લાઇન કે ટ્રાફિક સિગ્નલથી આપનું વાહન દૂર થોભાવી દો . 

● ભૂકંપના આંચકા પૂરા ન થાય ત્યાં સુધી આપના વાહનમાં જ રહો . 

●ભૂકંપના આંચકા પૂરા થયા બાદ પણ ઘરની કેટલીક વસ્તુઓ જેવી કે ફ્રિજ , દીવાલ પર લગાડેલા ફોટા કે છત પરના પંખા ( સીલિંગ ફૅન ) પાછળથી પણ પડી શકે છે માટે તેનાથી દૂર રહેવું . 

●ઘટનાના માર્ગદર્શન માટે સ્થાનિક રેડિયો સાંભળો . 

● નવાં બનતાં મકાનો ભૂકંપ પ્રતિરોધક તરાહનાં બનાવવાં જોઈએ . 

ભૂકંપ વખતે શું ન કરવું ?

• ગભરાઈને બૂમાબૂમ કે નાસભાગ ના કરવી . ભૂકંપના આંચકા આવ્યા પછી પડતી ચીજો કે વસ્તુઓને રોકવાનો પ્રયાસ ના કરો . 

● નીચે ઊતરવા માટે લિફ્ટનો ઉપયોગ ના કરવો . 

• જો તમે ઘરમાં હોવ તો લાકડાનાં કબાટ , તિજોરી , અરીસા કે કાચનાં ઝુમ્મર નીચે ઊભા ના રહેશો . 

● રસોઈ ગૅસ લીકેજ નથી તેની ખાતરી કર્યા વિના ઘરમાં દીવાસળી , લાઇટર કે વીજળીનાં સાધનો ચાલુ ના કરશો કારણ કે ગૅસ ગળતરને લીધે વિસ્ફોટની સંભાવના રહે છે . 

● તબીબી સારવારની મદદ માટે કે આગની કટોકટી સિવાય ફોન ન કરવા . એ સમયે તરત જ કરાતા ફોનથી રાહત અને બચાવ કામગીરી ટૅલિફોન નેટવર્ક ઠપ થતાં અવરોધાય છે .